Килиан Мбаппе Франция миллий жамоасининг Туркияга қарши Миллатлар лигаси баҳсида жароҳат олди. The Touchline L’Equipe нашрига таяниб хабар беришича, «Реал» футболчининг ушбу баҳсда майдонга туширилганидан норози.
Манба маълумотига кўра, «Реал» Мбаппе Туркияга қарши баҳсни ўтказиб юборади, деб ҳисоблаган. Ҳужумчи Франция миллий жамоаси қароргоҳига келганида жароҳат олган соҳада енгил оғриқларни ҳис қилган.
Мадрид клуби бу ҳақда Франция миллий жамоасининг тиббий штабини огоҳлантирган ва футболчига нисбатан эҳтиёткорлик билан муносабатда бўлишни сўраган. Шунга қарамай, Мбаппе баҳсда майдонга тушган ва кейинчалик жароҳат олган.
Мбаппе Туркияга қарши баҳсда 54-дақиқада Францияга ғалаба келтирган ягона голни урган. Шундан сўнг у жароҳати сабаб майдонни тарк этган.
Эслатиб ўтамиз, ушбу баҳс Зинедин Зидан учун Франция миллий жамоаси бош мураббийи сифатидаги дебют бўлди. Франция Туркияни 1:0 ҳисобида мағлуб этган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади