«Реал» клуби «Бавария» вингери Майкл Олисени сотиб олишга жиддийй киришган. Бу ҳақда El Nacional нашри хабар берди.
Манбага кўра, «қаймоқранглилар» раҳбарияти франциялик учун бериладиган таклифни бонуслар билан бирга 213 миллион еврогача оширишга тайёр.
Ушбу трансферни молиялаштириш ва таркибни қайта қуриш мақсадида Мадрид клуби раҳбарияти уч нафар футболчиси билан хайрлашишга рози.
Қайд этилишича, «Реал» Эдуарду Камавинга, Алваро Каррерас ва Дин Ҳейсенни трансферга қўйишни режалаштирмоқда. Ушбу ўйинчиларнинг сотуви Олисенинг хариди учун сарфланадиган харажатларни қоплаши керак.
Ўтган мавсумда Олисе барча турнирларда 52 та учрашувда майдонга тушиб, 22 та гол урди ва 31 та голли узатмани амалга оширди.
