«Реал» футболчиси Арда Гулер фаолиятини Франция чемпионатида давом эттириши мумкин. Бу ҳақда Goals Zone хабар берди.
Қайд этилишича, «ПСЖ» яримҳимоячини ўз сафига қўшиб олишга қизиқиш билдирмоқда. Клуб раҳбарияти Гулер трансфери учун 120 миллион евро сарфлашга тайёр.
Маълумот ўрнида, Арданинг «қироллик клуби» билан шартномаси 2029 йил ёзига қадар мўлжалланган. Якунланган мавсумда яримҳимоячи «қаймоқранглилар» сафида 51 учрашувда иштирок этиб, ўз ҳисобига 6 гол ва 14 ассист ёзиб қўйди.
Аввалроқ Гулер Чемпионлар Лигасининг кашфиёти деб топилгани маълум қилинганди.
