«Манчестер Юнайтед» 16 ёшли англиялик яримҳимоячи Девид Эзени «Манчестер Сити»дан ўз сафига қўшиб олганини расман эълон қилди.
Ёш футболчи «қизил иблислар» сафига эркин агент мақомида ўтди. Бу «Манчестер Юнайтед»нинг ушбу ҳафтадаги иккинчи трансфери бўлди.
Бундан уч кун аввал 17 ёшли Карим Кассим ҳам «Манчестер Сити»дан «Манчестер Юнайтед»га эркин агент сифатида ўтганди. У 2025/26 йилги мавсумда барча турнирларда 13 та баҳсда майдонга тушиб, 3 та гол урган.
«Манчестер Юнайтед» айни пайтда Англия Премер-лигаси турнир жадвалида 5 очко билан 12-ўринда бормоқда. Жамоа бешта баҳс ўтказган.
Маълумот учун, «Манчестер Юнайтед» навбатдаги баҳсини 10 октябр куни ўз майдонида «Тоттенҳэм»га қарши ўтказади.
