«Арсенал» ва Мадриднинг «Реал» клуби «Манчестер Сити» ҳужумчиси Эрлин Ҳоланднинг вакиллари билан унинг эҳтимолий трансфери борасида боғланди. Бу ҳақда Football Insider хабар бермоқда.
Манбага кўра, одатий шароитда норвегиялик футболчининг трансфери жуда катта маблағ талаб қилиши мумкин. Бироқ «Манчестер Сити»нинг молиявий қоидалар бузилиши бўйича ишида энг салбий сценарий юзага келадиган бўлса, Ҳоланд нисбатан қулай нархда сотилиши мумкин.
Аввалроқ ОАВда футболчи «Манчестер Сити» АПЛдаги ўрнидан маҳрум бўлса, клубни тарк этишни исташи мумкинлиги ҳақида хабарлар тарқалганди. «Шаҳарликлар» Ҳоланднинг шартномаси 2034 йилгача амал қилади.
Эслатиб ўтамиз, ОАВ маълумотларига кўра, «Манчестер Сити» АПЛнинг молиявий қоидаларини бузиш бўйича 115 та банднинг 114 таси бўйича айбдор деб топилган. Клуб эҳтимолий жазога қарши апелляция беришни режалаштирмоқда.
