«Реал» бош мураббийи Жозе Моуринио Жаҳон чемпионати якунланганидан сўнг Винисиус Жуниор билан шахсан боғланиб, унинг жамоадаги ўрни ҳақида гаплашган.
El Larguero хабарига кўра, португалиялик мутахассис бразилиялик ҳужумчига янги лойиҳада муҳим рол берилишини айтган.
Манбага кўра, Моуринио ва Винисиус ўртасидаги муносабатлар жуда яхши бўлиб, мураббий футболчини жамоанинг асосий етакчиларидан бири сифатида кўрмоқда.
Аввалроқ ОАВ Моуринио Винисиуснинг «Арсенал»га трансферига қарши эмаслиги ҳақида хабар берган эди. Бироқ янги маълумотлар бу тахминларга зид бўлиб, португалиялик мутахассис футболчини ўз режаларининг муҳим қисми сифатида кўраётганини кўрсатмоқда.
Маълумот учун, 26 ёшли Винисиус ҳали ҳам «Реал» билан янги шартнома борасида келишувга эришмаган. Унинг амалдаги битими 2027 йилнинг ёзига қадар амал қилади.
