«Барселона» ҳужумчиси Ферран Торреснинг келажаги Испания футболидаги энг долзарб мавзулардан бири бўлиб қолмоқда.
El Larguero хабарига кўра, бош мураббий Ҳанс-Дитер Флик футболчи жамоа машғулотларига қайтиши биланоқ у билан шахсий суҳбат ўтказишни режалаштирган.
Манбага кўра, Ферраннинг амалдаги шартномаси келаси йилнинг ёзида якунланади. Агар томонлар янги битим бўйича келиша олмаса, «Барселона» футболчини сотиш вариантини кўриб чиқиши мумкин.
Клуб раҳбарияти ҳам вазиятга имкон қадар тезроқ аниқлик киритишни истамоқда. Каталонияликлар Ферран клубни тарк этиш истагини билдирган тақдирдагина трансфер таклифларини кўриб чиқади.
Маълумот учун, сўнгги ҳафталарда Ферран Торресга «ПСЖ» қизиқиш билдираётгани ҳақида хабарлар тарқалган. Бироқ ҳозирча томонлар ўртасида расмий музокаралар олиб борилмаяпти.
