«Манчестер Сити» вингер Жек Грилишни ёзги трансферлар ойнасида сотишга тайёр. Бу ҳақда Football Insider хабар берди.
Манбага кўра, «шаҳарликлар» янги бош мураббий Энцо Мареска 30 ёшли футболчига иккинчи имконият бериши мумкинлиги ҳақидаги гап-сўзларга қарамай, Грилишни сотиш вариантини кўриб чиқмоқда. Клуб раҳбарияти унинг аввалги даражасини қайта тиклашига ишонмаяпти.
Футболчига қизиқиш билдиришда давом этаётган клублардан бири «Эвертон» ҳисобланади. Англиялик футболчи ўтган мавсумни айнан ушбу жамоада ижара асосида ўтказган эди.
Маълумот учун, Грилиш 2021 йилдан буён «Манчестер Сити» сафида 157 та учрашувда майдонга тушиб, 17 та гол ва 23 та голли узатмага муаллифлик қилди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади