«Нюкасл» қанот ҳимоячиси Люис Ҳолл «Манчестер Юнайтед» клуби томонидан бўлган қизиқишга ўзининг муносабати ҳақида гапирди. Аввалроқ, футболчи «ҳаккалар» билан меҳнат шартномасини узайтирган эди.
«Менга бу ҳеч қандай таъсир қилмади. Ўйлашимча, бошқа кимдир сенинг хизматларингга қизиқиш билдиряптими, демак, сен ишингни тўғри бажаряпсан. Мен буни ижобий қабул қиламан, лекин шу билан бирга, бу ерда ўйнашни қанчалик яхши кўришимни яхши тушунардим. Мен клуб томонидан билдирилган ишонч ва янги шартномадан чексиз миннатдорман», - дея Ҳолл сўзларидан иқтибос келтиради FourFourTwo.
Эслатиб ўтамиз, янги мавсумда 22 ёшли ҳимоячи барча мусобақаларни инобатга олганда 7 та учрашувда иштирок этиб, 1 та гол урди ва 2 та голли узатма етказиб беришга муваффақ бўлди.
