«Тоттенҳэм»нинг собиқ посбони Уго Лoрис Ҳарри Кейн ҳақида илиқ фикрлар билдирди.
«Ҳарри жуда универсал футболчи, лекин шу билан бирга ҳақиқий «тўққизлик» вакили. Бундай ҳужумчилар ҳозир кам учрайди», — деди Лoрис.
У Кейннинг ривожланиш йўлига ҳам тўхталди ва унинг ўйин услуби ўзгарганини ҳам таъкидлади.
«У ёшлигидан ҳужумларни яхши якунловчи эди, лекин босқичма-босқич ўсди. Ҳеч ким ундан бундай даражани кутмаган, лекин у ҳар сафар янги босқичга мослаша олди. Унинг дарвозабонлар учун хавфли бўлиши — бу тасодиф эмас, балки катта меҳнат натижаси. У ҳар доим ўз устида ишлайди.
Айтиш керакки, кейинчалик у янада чуқурроқ ўйнай бошлади, плеймейкер сифатида ҳам ажойиб паслар бера бошлади. Шу билан бирга, у барибир классик ҳужумчи бўлиб қолмоқда.
У оддий, оилапарвар инсон. Кўп гапирмайди, лекин жамоада муҳим роль ўйнайди. У етакчи, аммо буни кўз-кўз қилмайди. Балки у рок юлдуз эмасдир, лекин у — ҳақиқий юлдуз. Унинг эгоси фақат футбол билан чегараланган», — деди Лoрис.
Эслатиб ўтамиз, Лорис ва Кейн узоқ йиллар «Тоттенҳэм» сафида тўп тепган. Бироқ, бирорта ҳам соврин юта олмаган.
