«Кристал Пэлас» 21 ёшли исроиллик футболчи Анан Халаилининг «Юион Сент-Жиллуаз»дан трансферини расман эълон қилди. Футболчи билан 2031 йилгача мўлжалланган шартнома имзоланди. Келишув халқаро рухсатнома олинганидан сўнг кучга киради.
Халаили қанот ҳимоячиси ва вингер позицияларида ўйнай олади. Хайфада туғилган футболчи профессионал фаолиятини маҳаллий «Маккаби» клубида бошлаган. 2024 йил ёзида у «Юион Сент-Жиллуаз»га кўчиб ўтди.
Халаили 2025 йилда бельгиялик клубга 90 йил ичидаги илк мамлакат чемпионлигини қўлга киритишда ёрдам берди. У Чемпионлар лигасида 3 та гол урган. Ўтган мавсумда эса жамоаси билан Белгия кубогини ҳам қўлга киритди.
Халаили Исроил миллий жамоаси сафида 16 та баҳсда майдонга тушган. У «Кристал Пэлас»нинг ушбу ёздаги бешинчи янги футболчисига айланди.
Тransfermarkt маълумотига кўра, трансфер суммаси 24,5 миллион еврони ташкил қилган.
Эслатиб ўтамиз, Халаили аввалроқ «Интер»га ўтиши керак эди, бироқ трансфер футболчининг тиббий кўригига оид Италия лигаси талаблари сабаб амалга ошмай қолганди.
