Франция миллий жамоаси марказий ҳимоячиси Иброҳима Конате «Реал» билан келишувга эришди. Бу ҳақда RMC Sport хабар берди.
«Ливерпул»нинг 27 ёшли футболчиси Мадрид клуби билан 2030 йил ёзигача амал қиладиган шартнома имзолаган. Ҳимоячи «Реал» сафига жаҳон чемпионати якунланганидан кейин қўшилади.
Қайд этиш лозим, Конате «Ливерпул» таркибида 5 йил давомида тўп тепган. Аввалроқ футболчининг «қизиллар»ни тарк этиши май ойи охирида маълум қилинганди. 27 ёшли футболчи клубни эркин агент сифатида тарк этди.
