Каталониянинг «Барселона» клуби яримҳимоячиси Дани Олмонинг келажаги бўйича қарор қабул қилди. Бу ҳақда журналист Луис Рохо хабар берди.
«Кўк-анорранглилар» бу ёзда испаниялик футболчи билан хайрлашмоқчи эмас. Бундан ташқари, клуб раҳбарияти яримҳимоячи билан яхшиланган молиявий шартлар асосида янги шартнома имзолашни режалаштирмоқда.
Қайд этилишича, Олмо келаси мавсумда белгиланган миқдорда ўйин ўтказган тақдирда маоши оширилади. Якунланган Ла Лига мавсумида 28 ёшли яримҳимоячи «Барселона» сафида 33 та ўйинда иштирок этиб, ўз ҳисобига 7 та гол ва 8 та ассист ёздириб қўйди.
Аввалроқ Олмо жаҳон чемпионатида ўйнаган юлдузлар ўртасида танлов қилганди.
