«Бавария» бош мураббийи Венсан Компани 33 ёшли ҳужумчи Ҳарри Кейннинг клубдаги келажаги ҳақидаги саволга жавоб берди. Инглиз ҳужумчисининг шартномаси 2027 йилнинг ёзигача мўлжалланган.
«Клуб музокаралар олиб бормоқда. Бизда ажойиб раҳбарият бор: Макс Эберл, Кристоф Фройнд ва Ян Дризен — улар бу борада ишламоқдалар. Бунинг учун вақт кераклигини тушунаман, ҳурмат қиламан. Мен учун энг муҳими, Ҳарри ўзини яхши ҳис қилиши ва энг яхши тарзда ўйнаши зарур», - дея Компанининг сўзларидан иқтибос келтиради «Bayern & Germany» Х ижтимоий тармоғидаги саҳифасида.
Эслатиб ўтамиз, Кейн 2025/2026-йилги мавсум якунларига кўра, «Олтин бутса»ни қўлга киритди. Англиялик футболчи Бундеслиганинг 31 ўйинида 36 та гол урган. Ушбу мавсумда ҳужумчи барча мусобақаларда 7 та ўйинда иштирок этиб, 6 та гол урди ва 1 та голли узатмани амалга оширди.
