«Комо» 20 ёшли вингер Ассан Диао билан шартномани узайтиришни режалаштирмоқда. Бу ҳақда инсайдер Николо Скира ижтимоий тармоқдаги саҳифасида маълум қилди.
Манбага кўра, «Комо» сенегаллик футболчига 2031 йилгача мўлжалланган янги шартнома таклиф қилади. Клуб ёзги трансфер ойнасида Диаони 40 миллион евро эвазига Англия Премер лигасига сотишдан бош тортган, шунингдек, А Серия клубларининг таклифларини ҳам рад этган.
Маълумот учун, Диао ушбу мавсумда Италия чемпионатининг учта баҳсида майдонга тушиб, 2 та гол урди ва 1 та голли узатмани амалга оширди.
Эслатиб ўтамиз, Вингернинг «Комо» билан амалдаги шартномаси 2029 йил июнигача мўлжалланган.
