Миланнинг «Интер» клуби бош мураббийи Кристиан Киву жамоа ҳимоячиси Жед Спенснинг ҳолати ҳақида маълумот берди.
«Жед бир ҳафтадан буён биз билан шуғулланмоқда. Душанба кунидан бошлаб у ҳеч қандай чекловларсиз ишлаяпти ва уни умуман оғриқлар безовта қилмаяпти. Биз у қайтаётганидан жуда хурсандмиз. Ниҳоят, биз яна унинг табассумини кўришимиз, майдондаги ҳаракатларидан завқ олишимиз мумкин», — дея Киву сўзларидан иқтибос келтирди Inter Xtra.
Маълумот учун, «Интер» Спенсни Лондоннинг «Тоттенҳэм» клубидан шу йил ёзда 30 миллион евро эвазига сотиб олган эди. Бироқ ҳозирча Англия миллий жамоасининг 26 ёшли ҳимоячиси «нерадзурри» сафида дебют қилишга улгурганича йўқ.
Эслатиб ўтамиз, 10 октябр куни «Интер» А Серия 6-тури доирасида «Парма»ни қабул қилади.
