Milanning «Inter» klubi bosh murabbiyi Kristian Kivu jamoa himoyachisi Jed Spensning holati haqida ma’lumot berdi.
«Jed bir haftadan buyon biz bilan shug‘ullanmoqda. Dushanba kunidan boshlab u hech qanday cheklovlarsiz ishlayapti va uni umuman og‘riqlar bezovta qilmayapti. Biz u qaytayotganidan juda xursandmiz. Nihoyat, biz yana uning tabassumini ko‘rishimiz, maydondagi harakatlaridan zavq olishimiz mumkin», — deya Kivu so‘zlaridan iqtibos keltirdi Inter Xtra.
Ma’lumot uchun, «Inter» Spensni Londonning «Tottenhem» klubidan shu yil yozda 30 million yevro evaziga sotib olgan edi. Biroq hozircha Angliya milliy jamoasining 26 yoshli himoyachisi «neradzurri» safida debyut qilishga ulgurganicha yo‘q.
Eslatib o‘tamiz, 10 oktyabr kuni «Inter» A Seriya 6-turi doirasida «Parma»ni qabul qiladi.
