«Интер» яримҳимоячиси Генрих Мхитарян Дортмунднинг «Боруссия» клубида ўйнаган даврида «Барселона» таклифини нега рад этганини айтиб берди.
«Барселона»нинг менга қизиқиши ҳақиқатан ҳам бор эди. Бу Дортмунднинг «Боруссия»си сафида ажойиб мавсум ўтказганимдан кейин юз берган. Аммо у ерга ўтган тақдиримда ҳам етарлича ўйин вақтига эга бўлмаслигимни яхши тушунардим.
Ҳужум чизиғида Неймар, Месси ва Суарес ўйнарди. Яримҳимояда эса Тиаго Алкантара, Инеста ва Фабрегас майдонга тушарди. Мунтазам ўйин амалиётига эга бўлмайдиган клубга ўтишдан маъно йўқ эди», — дея Мхитаряннинг сўзларини журналист Грач Хачатурян Арманистон жамоат телевидениеси эфирига таяниб келтирди.
Маълумот учун, Мхитарян ҳозирда Италиянинг «Интер» клубида фаолият юритмоқда. Футболчи «Барселона»га ўтиш имкониятини кўриб чиқган бўлса-да, асосий таркибда мунтазам ўйнаш имконияти камлигини ҳисобга олиб, бу вариантдан воз кечган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади