Хулиан Альварес “Атлетико”нинг бугунги эрталабки машғулотида ҳам иштирок этмади. Аргентиналик ҳужумчи кеча ўзини ёмон ҳис қилгани сабабли машғулотда қатнашмаганди. Бугун ҳам “Серро-дел-Эспино”даги йиғинда кўринмади, деб ёзмоқда AS.
Алвареснинг ҳолати “Севиля”га қарши 29 август куни бўлиб ўтадиган ўйин олдидан жиддий савол остида қолмоқда. “Атлетико” ҳужум чизиғида Сёрлот ҳам жароҳати сабаб сафда эмас.
Альвареснинг саломатлиги билан бир қаторда, унинг келажаги ҳам ҳануз ноаниқ. Трансфер ойнаси 1 сентябр куни ёпилади. “Барселона” ҳужумчини қўлга киритиш истагидан воз кечмаган, клуб президенти Жоан Лапорта ҳам унинг трансфери бўйича таклиф ҳали кучда эканини айтган. Англиянинг “Арсенал” клуби ҳам аргентиналик футболчи учун эҳтимолий вариантлардан бири сифатида тилга олинмоқда.
Шу пайтда “Атлетико” Алваресни жамоада олиб қолиш позициясида қатъий турибди.
Бугунги машғулотда эса Мортен Юлманн жамоа билан бирга ишлади. Кечаги машғулотда нороҳатлик ҳис қилган футболчининг ҳолати жиддий эмас. Адэмола Лукман ва Кристиан Ромеро ҳам умумий гуруҳда шуғулланди. Сёрлот ва Алвареснинг ҳолатига қараб, Лукман “Севиля”га қарши учрашувда ҳужумда асосий фигура бўлиши мумкин.
Мухлислар бу янгиликни Telegram’да муҳокама қилмоқда
Изоҳлар Telegram’да очилади