«Манчестер Сити» ҳужумкор яримҳимоячиси Жек Грилиш яқин кунларда ўз келажаги борасида қарор қабул қилади. Бу ҳақда журналист Фабрицио Романо хабар берди.
30 ёшли футболчига «Эвертон» ва «Астон Вилла» қизиқиш билдирмоқда. Ҳар икки клуб ҳам англиялик футболчининг атрофидаги вакиллар билан алоқада.
Грилиш эса яқин кунларда якуний қарорга келади. Миш-мишларга қарамай, «Сандерленд» билан аниқ музокаралар олиб борилмаяпти.
Маълумот ўрнида, Жек профессионал фаолиятини айнан «Астон Вилла»да бошлаган. У «Эвертон»да ҳам ўйнаган, футболчи ўтган мавсумни ижара асосида ушбу клубда ўтказган.
Аввалроқ Грилишнинг «Манчестер Сити»да қолмаслиги маълум қилинганди.
