«Барселона» бош мураббийи Ҳанс-Дитер Флик «Базел»га қарши ўртоқлик учрашуви (5:2)дан сўнг ўз фикрларини билдириб ўтди.
«Менимча, ўз футболини ўтказишга имкон бермасликка ҳаракат қиладиган «Базел» каби клубга қарши бу яхши синов бўлди. Энди ўйинни батафсилроқ таҳлил қиламиз.
Рақиб яхши қаршилик кўрсатди, биз эса ўзимиз хоҳлаган тезликда ҳаракатлана олмадик. Ўз ўйинимизни ривожлантиришимиз ва камчиликлар устида ишлашимиз керак», — дея Фликнинг сўзларини келтиради «Барселона» клуби расмий сайти.
Маълумот ўрнида, «Барселона» Испания чемпионатидаги янги мавсумни «Элче»га қарши учрашув билан бошлайди. Баҳс 23 августдан 24 августга ўтар кечаси соат 00:30 да старт олади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади