«Фиорентина» клуби «Ювентус» ҳимоячиси Жоау Мариуни ўз сафига қўшиб олиш имкониятини кўриб чиқмоқда. Бу ҳақда инсайдер Жанлука Ди Марцио хабар берди.
Манбага кўра, томонлар португалиялик 25 ёшли футболчининг ижара трансфери бўйича музокараларни давом эттирмоқда.
Келишувга кейинчалик сотиб олиш банди ҳам киритилиши кутилмоқда. Трансфернинг умумий қиймати тахминан 9 миллион еврони ташкил этиши мумкин.
Мариу 2025 йилда «Ювентус» сафига келиб қўшилган. 2026 йилнинг иккинчи ярмида эса ижара асосида «Болоня»да тўп тепган. «Зебралар» Мариуни яна ижарага бериб юборишга тайёр.
