«Челси»нинг собиқ ярим ҳимоячиси Майкл Эссиен клубдаги вазият ҳақида фикр билдириб, жамоа нотўғри йўналишда кетаётганини айтди.
«Агар сиз «Челси»ни мен каби яхши кўрсангиз, буни айтишингиз керак. Клуб нотўғри йўналишда кетмоқда. Мен «Челси»ни яхши кўраман, у менга ҳамма нарсани берди, шунинг учун собиқ жамоадошларим ҳам бу ҳақда гапиришига умид қиламан. BlueСо клубни Роман Абрамович даврида қуришда иштирок этган инсонларни жамоа ишларига жалб қилишни истамаяпти. «Челси»да энди руҳ йўқ. Мен бу жамоани танимаяпман», — деди Эссиен собиқ жамоадоши Жон Оби Микел подкастида.
Маълумот учун, айни пайтда «Челси» Англия чемпионати турнир жадвалида 48 очко билан 9-ўринни эгаллаб турибди.
