Эрон миллий жамоаси 2026 йилги жаҳон чемпионатида қатнашишдан воз кечиши мумкинлиги ҳақидаги зиддиятли баёнотларга қарамай, турнирга тайёргарликни давом эттирмоқда. Бу ҳақда Associated Press хабар берди.
«Спорт ва ёшлар сиёсати вазирлиги миллий футбол жамоамизнинг АҚШда ўтадиган 2026 йилги жаҳон чемпионатида иштирок этишга тўлиқ тайёр эканини маълум қилди», — деди чоршанба куни Эрон ҳукумати расмий вакили Foteme Mohejjerani давлат телевидениеси орқали.
Аввалроқ спорт вазири Аҳмад Донямали жамоа фақат хавфсизлик таъминланган тақдирдагина мундиалда иштирок этиши мумкинлигини айтган ва якуний қарор ҳали қабул қилинмаганини таъкидлаганди. Март ойида янада қатъий бойкот ҳақидаги баёнотлар ҳам янграган, бироқ кейинчалик федерация раҳбари Меҳди Тож буни рад этиб, ўйинларни АҚШдан Мексикага кўчириш бўйича FIFA билан музокаралар олиб борилаётганини билдирганди.
Турнир 11 июндан 19 июлгача АҚШ, Мексика ва Канадада бўлиб ўтади. Эрон Белгия, Миср ҳамда Янги Зеландия билан бир гуруҳдан ўрин олган ва гуруҳ босқичидаги барча ўйинларни АҚШ ҳудудида ўтказиши керак.
Олдинроқ ЖЧ-2026да Эрон ўрнини Италия эгаллаши мумкинлиги, аммо FIFA бунга рози эмаслиги хабар берилганди.
