«ПСЖ» бош мураббийи Луис Энрике «Ланс»га қарши Франция Суперкубоги баҳсидаги 0:1 ҳисобидаги мағлубият сабабларини айтди.
«Ҳужумларни якунлашда аниқлик етишмади. Ўйин суръати ва майдондаги вазиятлар ижобий фикр уйғотди.
Бутун учрашув давомида, айниқса биринчи бўлимда кўрганларимдан жуда мамнунман. Сўнгги баҳслар билан таққослаганда, «Ланс» билан ўйин энг кам имкониятга эга бўлган учрашув бўлди.
Натижадан мамнун эмасман, аммо биз кўпроқ нарсага лойиқ эдик. Шу билан бирга, «Ланс»ни табриклашим керак. Улар ғалаба қозонишди ва ўзларига хос юқори интенсивлик билан жуда яхши ўйнашди. Лекин мен кўрганларим ва жамоанинг қандай ўйнагани менга ёқди.
«Ланс» қайси жиҳатларда биздан яхшироқ бўлди? Ҳеч қайсида. Менимча, биз кучлироқ эдик. Бу оддий ҳол, биз бундай ўйинларга кўпроқ одатланганмиз.
Лекин стадиондаги муҳит ва улар қилган барча ишларни ҳисобга олсак, «Ланс» жуда яхши ҳимояланди. Биз ўйинни назорат қилдик. Жуда яхши ўйин ўтказдик, аммо омадимиз келмади», — дея Энрикенинг сўзларини келтиради Le Figaro.
Мухлислар бу янгиликни Telegram’да муҳокама қилмоқда
Изоҳлар Telegram’да очилади