«Динамо» яримҳимоячиси Хислат Халилов жароҳати сабаб тиззасидан жарроҳлик амалиётини ўтказди. Бу ҳақда клуб матбуот хизмати хабар берди.
23 ёшли футболчи «Динамо» — «Нефтчи» (0:0) баҳсида захирадан майдонга тушганидан сўнг жароҳат олиб, ўйинни давом эттира олмаган.
Тиббий текширувлардан кейин Халиловнинг чап тиззасидаги олдинги хочсимон бойлами узилгани аниқланган ва унга жарроҳлик амалиёти ўтказилган.
«Динамо» клуби тиббий бўлими маълумотига кўра, футболчининг жароҳатдан тўлиқ тикланиб, сафга қайтиши учун 4–5 ой талаб этилади.
