Франция миллий жамоаси ҳужумчиси Усмон Дембеле «ПСЖ» билан шартномани узайтириш бўйича келишувга эришди. Бу ҳақда L’Équipe хабар берди.
29 ёшли футболчининг амалдаги шартномаси 2028 йилга қадар амал қилади. Янги битим яқин ҳафталар ичида имзоланиши кутилмоқда ва у 2030 йил ёзигача мўлжалланган бўлади.
Дембеле бунгача Парижда фаолиятини давом эттириш истагини бир неча бор билдирганди. қайд этилишича, унга Саудия Арабистони клубларидан таклифлар бўлган, аммо футболчи «ПСЖ»да қолишга қарор қилган.
Маълумот ўрнида, Дембеле 2023 йилдан буён парижликлар сафида ўйнаб келмоқда. Қолаверса, франциялик футболчи 2025 йил якунларига кўра «Олтин тўп» соҳиби бўлган.
