Англия миллий жамоаси собиқ футболчиси Деле Алли Италияга қайтиши мумкин. Бу ҳақда журналист Николо Скира хабар берди.
Ҳужумкор яримҳимоячининг хизматлари «Монца»га таклиф қилинган. Ҳозирча клуб раҳбарияти 30 ёшли футболчини таркибга қўшиш вариантига қанчалик қизиқиш билдираётгани номаълум.
Маълумот ўрнида, Деле «Комо» сафида бор-йўғи бир марта майдонга тушган. У 2025 йил март ойида «Милан»га қарши ўйинда захирадан майдонга тушган, аммо кўп ўтмай қизил карточка олган. Шундан сўнг Сеск Фабрегас англиялик футболчини майдонга туширишга ҳаракат қилмаган.
Ўтган йил сентябр ойида эса Алли «Комо» билан шартномасини бекор қилганди.
