«Тоттенҳем» бош мураббийи Роберто де Зерби тўпиғидан жароҳат олган ва тикланишда давом этаётган украиналик вингер Михаил Мудрикнинг ҳолати ҳақида фикр билдирди.
«У кераксиз жароҳат олди. Михаилнинг тезроқ тикланиб, майдонга қайтишидан умидвормиз. Учрашув давомида у тўпиғида оғриқ ҳис қилди. Ҳеч қандай тўқнашув ёки ғайриоддий ҳаракат бўлмаган.
Орадан икки кун ўтиб, у тиббий текширувдан ўтди. Ўшандаёқ унинг тўлиқ юкламаларга зудлик билан қайтиши осон бўлмаслигини тушунгандик», — дея де Зербининг сўзларини келтиради Football London нашри.
Эслатиб ўтамиз, Мудрик 2023 йил январ ойида «Челси»га 70 миллион евро эвазига кўчиб ўтган. Битимда яна 30 миллион евро миқдорида бонуслар ҳам кўзда тутилган бўлиб, трансфернинг умумий қиймати 100 миллион еврога баҳоланганди.
Ушбу ёзда допинг сабабли берилган дисквалификацияси бекор қилинганидан сўнг Мудрик «Тоттенҳэм»га ижара асосида кўчиб ўтди. Келишувда футболчини кейинчалик сотиб олиш имконияти ҳам мавжуд.
Мухлислар бу янгиликни Telegram’да муҳокама қилмоқда
Изоҳлар Telegram’да очилади