«Арсенал», «Наполи» ва Колумбия миллий жамоасининг собиқ дарвозабони Давид Оспина 38 ёшида профессионал футболчилик фаолиятини якунлади.
«Футболга раҳмат айтаман! Мен таслим бўлмаяпман, аксинча, миннатдорман! Бу ажойиб саёҳат бўлди.
Энди тақдир мени қаерга етакласа, ўша ерга бораман», — деб ёзди Оспина Instagram саҳифасидаги постида.
Маълумот ўрнида, колумбиялик дарвозабон фаолияти давомида «Атлетико Насионал», «Ницца», «Арсенал», «Наполи», «Ан Наср» ва «Атланте» клубларида тўп сурган.
Оспина Англия кубоги ва cуперкубоги, Италия кубоги ҳамда Колумбия кубогини қўлга киритган. Шунингдек, у Колумбия чемпионлигини ҳам нишонлаган.
Тажрибали посбон миллий жамоаси сафида 130 та учрашув ўтказган. У Колумбия билан Америка кубогида кумуш ва бронза медалларига сазовор бўлган.
Аввалроқ Луиш Нани футболчилик фаолиятини якунлагани маълум қилинганди.
