«Палмейрас» ҳужумчиси Витор Роке Англиянинг «Челси» ва «Манчестер Юнайтед» клублари радаридан жой олди. Бу ҳақда журналист Экрем Конур хабар берди.
АПЛнинг ҳар икки гранди бразилиялик футболчининг ривожланишини кузатмоқда ва уни қишки трансфер ойнасида таркибга қўшиб олиш имкониятини кўриб чиқмоқда. Ҳозирча ҳеч қандай музокара олиб борилмаяпти, клублар шунчаки футболчи ҳақида маълумот тўпламоқда.
«Палмейрас» 21 ёшли футболчи учун 50–60 миллион евро атрофида маблағ ҳамда унинг кейинги трансферидан улуш талаб қилиши мумкин. Ҳужумчи 2025 йил феврал ойида «Барселона»дан 25,5 миллион евро эвазига Бразилия клубига кўчиб ўтган.
Transfermarkt футболчининг ҳозирги қийматини 38 миллион еврога баҳоламоқда. Аввалроқ Алонсо «Челси»нинг яқин келажакдаги энг муҳим футболчиси ким бўлишини айтиб ўтганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади