Лондоннинг «Челси» клуби Энцо Фернандесни сотиб юборган тақдирда, «Реал»дан Эдуардо Камавингани харид қилиши мумкин. Бу ҳақда журналист Бен Жейкобс хабар берди.
Аргентиналик хавбек яқин соатлар ичида «Манчестер Сити»га кўчиб ўтиши кутилмоқда. Бу трансферга деярли барча томонлар розилик билдириб улгурган ва «шаҳарликлар» расмий таклиф тайёрламоқда.
Таъкидланишича, «Реал»нинг янги бош мураббийи Жозе Моуринио 23 ёшли францияликни таркибнинг ўта муҳим футболчиси деб билмайди, шу сабабли муносиб таклиф тушган тақдирда у билан хайрлашишга қаршилик қилмайди.
Маълумот учун, Камавинга Испания чемпионати янги мавсумидаги ўйинда захирадан майдонга тушиб, 10 дақиқа ҳаракат қилди. Футболчининг «қаймоқранглилар» билан шартномаси 2029 йилгача амал қилади.
Transfermarkt портали францияликнинг актуал трансфер нархини 50 миллион еврога баҳоламоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади