Уисдом Майк «Бавария»дан «Брюгге»га ўтди. Германия клуби расмий сайтида маълум қилинишича, 17 ёшли вингер янги жамоасига қўшилган.
Майк «Бавария» академиясига 2022 йил ёзида Мёнхенгладбахнинг «Боруссия» клуби академиясидан келиб қўшилганди. У 2025/2026 йилги мавсумда Бундеслигада 4 та, Чемпионлар Лигасида эса 1 та учрашувда майдонга тушган.
Яримҳимоячи ушбу баҳсларда самарали ҳаракатлари билан ажралиб турмаган. Тransfermarkt унинг бозор қийматини 5 млн еврога баҳоламоқда.
