«Фенербаҳче» футболчиси Марко Асенсио Испанияга қайтиши мумкин. Бу ҳақда журналист Экрем Конур хабар берди.
30 ёшли футболчига «Севиля», «Вилярреал» ва «Атлетико» қизиқиш билдирмоқда. Шунингдек, «Реал Соседад» ва «Бетис» ҳам вазиятни кузатиб бормоқда.
Бироқ туркияликлар раҳбарияти футболчини сотишни режалаштирмаяпти. Асенсио фаолияти бошида «Малёрка»да ўйнаган, энг ёрқин йилларини эса «Реал»да (2015–2023) ўтказган.
Чемпионлар Лигасининг 4 карра ғолиби бўлган футболчининг «Фенербаҳче» билан амалдаги шартномаси 2028 йилгача мўлжалланган. Аввалроқ Европанинг 3 клуби Асенсиони ўз сафига қўшиб олмоқчи экани маълум қилинганди.
