«Fenerbahçe» futbolchisi Marko Asensio Ispaniyaga qaytishi mumkin. Bu haqda jurnalist Ekrem Konur xabar berdi.
30 yoshli futbolchiga «Sevilya», «Vilyarreal» va «Atletiko» qiziqish bildirmoqda. Shuningdek, «Real Sosyedad» va «Betis» ham vaziyatni kuzatib bormoqda.
Biroq turkiyaliklar rahbariyati futbolchini sotishni rejalashtirmayapti. Asensio faoliyati boshida «Malorka»da o‘ynagan, eng yorqin yillarini esa «Real»da (2015–2023) o‘tkazgan.
Chempionlar Ligasining 4 karra g‘olibi bo‘lgan futbolchining «Fenerbahçe» bilan amaldagi shartnomasi 2028 yilgacha mo‘ljallangan. Avvalroq Yevropaning 3 klubi Asensioni o‘z safiga qo‘shib olmoqchi ekani ma'lum qilingandi.
