«Арсенал» бразилиялик вингер Винисиус Жуниорнинг Мадриднинг «Реал» клубида қолиш борасидаги қароридан ҳафсаласи пир бўлди, деб хабар бермоқда TEAMtalk.
«Албатта, бу умидсизлик, аммо бундай натижа ҳар доим эҳтимолий деб эмас, балки мумкин деб ҳисобланган. Винисиус ҳеч қачон биз учун ягона вариант бўлмаган. Муқобил номзодлар устида доимий равишда иш олиб борилди ва ҳозиргача давом этмоқда» - деди «Арсенал» вакили TEAMtalk’га.
Манба маълумотларига кўра, «Арсенал» Винисиуснинг молиявий шартларини бажаришга тайёр бўлган ва уни АПЛга ўтишга кўндиришга уринган. Энди клуб ҳужумнинг чап қаноти учун бошқа номзодларга ўтади. Улар орасида «ПСЖ»дан Брэдли Баркола ва Иброҳим Мбайе, «Атлетик» Билбао вингери Нико Уилямс, шунингдек, «Атлетико»дан Хулиан Алварес бор.
Эслатиб ўтамиз, Винисиус 2018 йилнинг ёзидан бери «Реал» сафида тўп тепмоқда. Футболчи Мадрид клубига Бразилиянинг «Фламенго» жамаосидан 45 миллион евро эвазига кўчиб ўтган.
Маълумот учун, ўтган мавсум Винисиус клуб сафида 53 та ўйин ўтказиб, 22 та гол урди ва 14 та голли узатма амалга оширган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади