«Арсенал» кийиниш хонасида «Реал» вингери Винисиус Жуниорни кутишмоқда ва унинг трансфери амалга ошишига ишонишмоқда. Бу ҳақда AS нашри хабар берди.
Бразилиялик футболчи яқин вақт ичида келажаги борасида қарор қабул қилади. Бугун, 5 август куни Винисиус ўз агенти билан бирга «Реал» базасига келди. Айнан шу куни шартномани узайтириш бўйича ҳал қилувчи музокаралар ўтказилмоқда.
Айни пайтда «тўпчилар» бразилиялик футболчини қўлга киритиш учун барча имкониятларини ишга солишга тайёр. Клуб раҳбарияти футболчиларга ушбу трансфер амалга ошиш эҳтимоли юқори эканини маълум қилган.
«Реал» ҳозир Винисиуснинг ниятини билишга ҳаракат қилмоқда. Шу билан бирга, «қироллик клуби» «Арсенал»нинг бразилиялик футболчига қизиқиши шунчаки миш-миш эмас, балки амалда содир бўлаётганини ҳам тушунмоқда.
Аввалроқ «тўпчилар» Винисиус учун «қироллик клуби»га қанча таклиф қилгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади