«Арсенал» футболчилари Англия Премер-лигаси чемпионлиги муносабати билан ташкил этилган чемпионлик парадида иштирок этди.
Тадбир Лондон шаҳрида УEФА Чемпионлар лигаси финалидаги «ПСЖ»га қарши мағлубиятдан бир кун ўтиб бўлиб ўтди.
Эслатиб ўтамиз, ҳал қилувчи баҳснинг асосий вақтида 1:1 ҳисоби қайд этилган бўлса, пеналтилар cериясида парижликлар 4:3 ҳисобида устун келганди.
Қайд этилишича, парад санаси финал натижасидан қатъи назар олдиндан белгилаб қўйилганди.
«Арсенал» АПЛ чемпионлигини мавсум якунланишига бир тур қолганида расман нақд қилган эди.
Лондонликлар мавсум давомида 38 та баҳсда 85 очко жамғарди. Микел Артета жамоаси иккинчи ўриндаги «Манчестер Сити»ни 7 очкога ортда қолдирди.
Мазкур чемпионлик «тўпчилар» учун сўнгги 22 йилдаги илк Англия чемпионлиги бўлди.
