Кўплаб топ миллий жамоалар аллақачон ЖЧ-2026 учун якуний қайдномаларини эълон қилиб улгурган бўлса, Аргентина миллий жамоаси ҳозирча таркибини очиқламади.
Тhe Touchline нашри журналист Мартин Аревало маълумотига таяниб хабар беришича, амалдаги жаҳон чемпионининг якуний таркиби жума куни эълон қилинади.
Қайд этилишича, Лионел Месси мундиалда иштирок этиши кутилмоқда.
Бир неча кун аввал аргентиналик юлдуз тиббий кўрикдан ўтган ва унда ҳеч қандай жароҳат аниқланмаган.
Эслатиб ўтамиз, Аргентина миллий жамоаси ЖЧ-2026'даги илк учрашувини 17 июн куни Жазоирга қарши ўтказади.
Шундан сўнг гуруҳ босқичида Австрия ва Иордания жамоаларига қарши майдонга тушади.
