Лондоннинг «Арсенал», Туриннинг «Ювентус» ва Каталониянинг «Барселона» клубларида тўп тепган Терри Анридан Франция миллий жамоасининг Зидан қўл остидаги янги даври ҳақида фикри сўралди.
«Франция миллий жамоаси ҳақида гап кетганда, Зидан бошчилигидаги янги давр ҳақида нима дея оласиз?» деган саволга Анри: «Бу менинг мавзуйим эмас. Унга омад тилайман», — дея жавоб берди. Бу ҳақда Испаниянинг АS нашри хабар берди.
Зинедин Зидан 2026 йилнинг ёзида Диде Дешамдан сўнг Франция миллий жамоаси бош мураббийига айланди. Шу тариқа у илк бор терма жамоа даражасида мураббийлик фаолиятини бошлади.
Зидан бунгача фақат клуб футболида ишлаган. Франциялик мутахассиснинг мураббийлик фаолиятидаги энг катта даври Мадриднинг «Реал» клубида ўтган. У жамоани 2021 йилда тарк этган.
Эслатиб ўтамиз, Зидан «Реал» бош мураббийи сифатида Испания чемпионати ва Чемпионлар лигасида ғолиб чиққан.
