Франция миллий жамоаси ҳужумчиси Килиан Мбаппе 41 ёшида ҳам миллий жамоада ўйнашни давом эттираётган португалиялик Криштиану Роналду каби миллий жамоада узоқ вақт ўйнай оладими, деган саволга жавоб берди.
«Криштиану Роналду Португалияда ўйнаганидек, мен ҳам 41 ёшгача Франция сафида ўйнай оламанми? Тўғрисини айтсам, мен ўйнаётган жамоани ҳисобга олсак, Франция ҳеч қачон 41 ёшгача ўйнашимга рухсат бермайди (кулади).
Аммо Криштиану шуни кўрсатмоқдаки, агар сен жисмоний ва руҳий жиҳатдан яхши формада бўлсанг, бундай юқори савияда узоқ вақт ўйнай оласан. Менга келсак, бу эҳтимолдан йироқ деб ўйлайман», - дея Мбаппенинг сўзларидан иқтибос келтиради The Touchline нашри ўзининг Х ижтимоий тармоғидаги саҳифаси орқали.
