Саудия Арабистонининг «Ан Наср» жамоасида молиявий қийинчиликлар пайдо бўлди. Бу ҳақда Ar Riyadh нашри хабар берди.
Хабар қилинишича, жамоанинг бир нечта футболчиси июн ойи учун тўлиқ бўлмаган маош олган, аммо клуб раҳбарияти яқин вақт ичида ўйинчилар билан тўлиқ ҳисоб-китоб қилиш устида ишламоқда.
Бундан ташқари, молиявий қийинчиликлар шартномаси якунланганидан сўнг клубни тарк этган хорватиялик яримҳимоячи Марсело Брозовичнинг ўрнига хорижлик футболчи билан шартнома имзолаш жараёнини тўхтатиб қўйди.
Шунингдек, клуб раҳбарияти молиявий муаммолар сабаб таркибни кучайтириш ва янги ўйинчиларни сотиб олиш ишларини кечиктирмоқда. Чунки пул билан боғлиқ вазиятга ҳали ойдинлик киритилмаган.
Аввалроқ жамоанинг янги бош мураббийи этиб Анже Постекоглу тайинланганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади