Мадриднинг «Реал» клуби собиқ бош мураббийи Хаби Алонсо ўз атрофидагиларга 2025 йил ёзида «қаймоқранглилар»ни қабул қилиб олгани хатолик бўлганини тан олди. Бу ҳақда Cadena Ser хабар берди.
Испаниялик мутахассис жамоани нотўғри вақтда бошқарганидан афсусда. Шунингдек, Алонсо Федерико Валверде ва Орелиен Чуамени ўртасидаги жанжал каби ҳолатларга дуч келмаганидан мамнун.
Эслатиб ўтамиз, 12 январ куни «Реал» Алонсо билан ҳамкорликни якунлаганди. Ҳозирда 44 ёшли мураббий ўзини ҳам касбий, ҳам шахсий жиҳатдан қониқтирадиган лойиҳани кутмоқда.
