«ПСЖ» ҳужумчиси Усмон Дембеле Саудия Арабистонига кўчиб ўтиши мумкин. Бу ҳақда Goals Zone хабар берди.
Франциялик футболчига «Ал Ҳилол» қизиқиш билдирмоқда. Саудия клуби форвардга 2030 йил 30 июнгача мўлжалланган шартнома ва 200 миллион евро маош таклиф қилишга тайёр. «Ал Ҳилол»да Дембеле жамоага клублар ўртасидаги жаҳон чемпионатида ғалаба қозонишда ёрдам берадиган асосий футболчи бўлади деб ҳисобланмоқда.
Маълумот ўрнида, Усмон 2023 йилда «Барселона»дан «ПСЖ»га 50 миллион евро эвазига кўчиб ўтган. Унинг парижликлар билан шартномаси 2028 йил 30 июнгача амал қилади.
Аввалроқ Дембеле қаторасига иккинчи йил Лига1нинг энг яхши ўйинчиси деб топилганди.
