«Ал Ҳилол» ҳужумчиси Дарвин Нунес Карим Бензема трансферидан сўнг Саудия Арабистони чемпионатида ўйнай олмайди.
Фабрицио Романо маълумотига кўра, Ар Риёд клуби миллий чемпионат учун қайдномадан ёзда «Ливерпул»дан 65 миллион евро эвазига сотиб олинган 26 ёшли уругвайлик форвардни ва қишки трансферлар ойнасида келган 32 ёшли ҳимоячи Пабло Марини чиқариб юборган.
Шу тариқа Саудия лигасида 16 ўйинда 6 та гол уриб, 4 та ассист амалга оширган Нунес ички чемпионатда иштирок этолмайди. У фақат Элит ОЧЛ ўйинларида қатнашиши мумкин.
Эслатиб ўтамиз, «Ал Ҳилол» феврал ойи бошида 38 ёшли Бенземани «Ал Иттиҳод»дан ўз сафига қўшиб олди. Франциялик ҳужумчи янги жамоасидаги дебют ўйинидаёқ ҳет-трик қайд этди.
Маълумот учун, Саудия Арабистони клубларига 10 нафаргача легионерни рўйхатдан ўтказишга рухсат берилган, аммо улардан фақат 8 нафари бир вақтнинг ўзида майдонда бўлиши мумкин.
