«Ал Ҳилол» Карим Бензема трансферини эълон қилди.
Аввалроқ франциялик футболчи Риёд клуби билан 2027 йил ёзигача мўлжалланган шартнома имзолагани хабар берилганди.
Эслатиб ўтамиз, бунгача 38 ёшли ҳужумчи «Ал Иттиҳод» таклиф этган шартномадан норози бўлиб, жиддаликлар сафида ўйнашдан бош тортганди.
Бензема бу мавсумда Саудия Пролигасида 14 ўйинда 8 та гол урган. Унинг янги жамоаси «Ал Ҳилол» 47 очко билан 1-поғонани эгаллаб турибди.
Маълумот учун, «Олтин тўп» соҳиби «Лион» тарбияланувчиси саналади. У фаолиятининг катта қисмини «Реал»да ўтказган.
