«Ал Ҳилол» «Фиорентина» ҳимоячиси Пабло Мари трансферини эълон қилди
Transfermarkt'га кўра, Саудия клуби испаниялик футболчи билан 2026 йил 30 июнгача мўлжалланган шартнома имзолади. Шунингдек, келишуда уни яна бир йилга узайтириш борасида банд бор.
Мари фаолияти давомида «Монца», «Удинезе» ва «Арсенал» клубларида ҳам ҳаракат қилган. Ҳимоячи бу мавсумда Флоренция жамоаси сафида А Серияда 11 та баҳсда майдонга тушганди.
Маълумот учун, Симоне Инзаги бошқарувидаги «Ал Ҳилол» Саудия Пролигасида 13 та турда 35 очко тўплаб, етакчилик қилмоқда. Аввалроқ Риёд жамоасининг хусусий клубга айланишга яқинлиги хабар берилганди.
