«Real» vingeri Vinisius Junior haqida suratga olingan Baila, Vini («Raqsga tush, Vini») hujjatli filmi Xalqaro «Emmi» mukofotiga nomzodlar qatoridan joy oldi.
Netflix tomonidan 2025-yilda taqdim etilgan film Braziliya milliy jamoasi va «Real» yulduzining hayoti hamda futboldagi faoliyati haqida hikoya qiladi. Unda Vinisiusning muvaffaqiyat sari bosib o‘tgan yo‘li, faoliyatidagi muhim voqealar hamda sportdagi irqchilikka qarshi kurashi yoritilgan. Kartina «Sport hujjatli filmi» nominatsiyasida mukofot uchun kurashadi.
Ma’lumot uchun, Xalqaro «Emmi» mukofoti AQShdan tashqarida yaratilgan eng yaxshi televizion dastur va seriallarga topshiriladi. Bu yilgi taqdirlash marosimi 23-noyabr kuni AQShning Nyu-York shahrida bo‘lib o‘tadi.
G‘oliblar Xalqaro televizion san’at va fanlar akademiyasi tomonidan aniqlanadi. Avvalroq «Real» Vinisius bilan shartnomani uzaytirgani ma’lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi