Ispaniya La Ligasi prezidenti Xaver Tebas «Real Madrid» hujumchisi Kilian Mbappening Xitoyda salbiy munosabatga sabab bo‘lgan shov-shuvli bayonotlari yuzasidan rasmiy bayonot berdi.
«Biz La Liga nomidan Kilian Mbappening Xitoyda norozilik keltirib chiqargan bayonotlaridan chuqur afsusdamiz. Biz yetkazilgan zararni tushunamiz va La Liga nomidan Xitoy xalqidan chin dildan uzr so‘raymiz.
Ko‘p yillar davomida biz Xitoy bilan — uning hukumati, sport tashkilotlari, televideniye va millionlab ispan futboli muxlislari bilan hurmat, ishonch va hamkorlikka asoslangan munosabatlarni o‘rnatdik.
Biz alohida xatti-harakat bu munosabatlarga soya solishiga yoki professional turnirlarimizdagi 20 nafar klubimiz va millionlab xitoylik muxlislarga zarar yetkazishiga yo‘l qo‘ya olmaymiz. Biz ushbu vaziyatni bartaraf etish uchun barcha choralarni ko‘rmoqdamiz va Xitoydagi hamkorlarimiz hamda vakillarimiz bilan bevosita hamkorlik qilmoqdamiz.
Bizning Xitoy va uning xalqiga sodiqligimiz qat’iy bo‘lib qoladi. Yillar davomida qurilgan munosabatlar birgina voqea tufayli zarar ko‘rmasligi kerak», - deyiladi Tebasning X ijtimoiy tarmog‘ida e’lon qilingan xabarida.
Muxlislar bu yangilikni Telegram’da muhokama qilmoqda
Izohlar Telegram’da ochiladi