“Siti” va Gakpo oʻzaro kelishuvga erishdi

Kodi Gakpo faoliyatini qayerda davom ettirish borasida bir toʻxtamga keldi.

Avvalroq “Liverpul” vingeriga “Manchester Siti” va “Tottenhem” klublari qiziqish bildirayotgani haqida xabar berilgandi.

The Athletic maʼlumotiga koʻra, niderlandiyalik futbolchi “shaharliklar”ni tanlagan va hozirda klublar transfer boʻyicha muzokaralar olib bormoqda.

“Siti” 27 yoshli vinger uchun 85 million funt toʻlashga rozi. Oʻz navbatida mersisaydliklar ham Kodiga oʻrinbosar topishi zahoti u bilan xayrlashishga tayyor.

Gakpo “Liverpul” safida 180 ta oʻyinda 50 ta gol urgan. U 2022 yil dekabr oyida PSV klubidan bonuslar bilan birga 44 million funt evaziga sotib olingandi.